Inicio » Peques en casa

Peques en casa

Arte xelao

07/07/2020

Vamos fabricar xelu de colores que nos dexarán crear pintures xelaes

La ciencia encántanos, sobromanera cuando podemos tocala y esperimentar con ella. Y si, amás, nos embadurnamos un pizcu y podemos facer una creación artística, ¡pasámoslo súper xenial!  Por eso, güei, proponémosvos pintar con… ¡¡xelu!!

¿¿Xelu?? ¿Cómo pue pintase con xelu? Bonu…  primero vamos tener que facer que les nueses acuareles llíquides conviértanse en xelu, en pintures sólides. Y dempués, pa poder pintar con elles, vamos tener que consiguir qu'esi xelu de colores vayase derritiendo pocoñín a pocu, fundiéndose sobro'l nuesu papel. Esto ye, vamos xugar colos estaos d'agregamientu.

Toooolo que nos arrodia ye materia y esta puede atopase en distintos estaos d'agregamientu. Si modificamos la temperatura (o presión), podemos camudar l'estáu. Lo más interesao ye qu'esi cambéu d'estáu nun va camudar la composición d'esi material. L'agua va siguir siendo agua y va siguir tando compuesta d'esactamente lo mesmo anque s'atope en cualesquier de los trés estaos más conocíos: sólidu, llíquidu o gaseosu.

Na propuesta de güei, fadremos usu de les nueses conocencies de ciencia y vamos utilizar los cambeos d'estáu como ferramienta pa facer unes obres chulísimes d'arte xelao.

Asina que, preparaos y preparaes porque llega'l nuesu ratito de ciencia risondera.

¡Entamemos!

Materiales

  • Acuareles, meyor si son llíquides
  • Agua
  • Cubitera o vasos pequeños de papel o plásticu
  • Palos de polu
  • Papel d'acuarela o, nel so defectu, un papel gruesu.
  • Papeles con distintes testures y capacidá d'absorción: Folios, cartulines, papel de cocina, hixénicu, algodones, cartón, etc (opcional)

Observaciones

Pa peques más peques, les persones adultes vamos preparar los cubitos con antelación, dexando qu'ellos y elles entren direutamente a l'actividá d'esploración y creación col xelu yá preparáu. Amás, nun ta de más esplica-yos al entamu de l'actividá que lo que van emplegar son pintures conxelaes y non puen comese, yá que podríen confundilo con xelaos.

Pa los y les más mayores, ye interesante que participen  na creación de los cubitos y asina puedan esperimentar tol procesu llíquidu/sólidu/líquidu; gustará-yos crear los sos propios colores xelaos.

Preparativos

Vamos buscar un llugar que podamos enllordiar y moyar, tamién vamos poner ropa fayadizo, por que teamos lo más cómodo posible.

Pa poder realizar esta propuesta, vamos tener que preparar los cubitos de color con un día o xunas cuantes hores d'antelación. Pa ello, vamos siguir los siguientes pasos:

  • Preparamos delles disoluciones d'acuarela, de los colores que queramos utilizar. Con unos 30-50 mL de cada color ye abondu, anque depende de la cantidá y tamañu de los cubitos que quedramos crear. Si nun tenemos acuarela llíquida, podemos preparar la disolución utilizando acuareles normales, disolviéndolas pocoñín a poco con un pincel. Les disoluciones tienen de quedar abondo concentraes, que se vea'l color bien intensu, por que los dibuxos queden guapos.
  • Cubrimos la cubitera con papel d'aluminiu, que quede bien tapada, y clavamos en cada furacu un palu de polu, intentando que quede lo más vertical posible.
  • Si tamos utilizando vasinos de papel pequeñinos, facemos lo mesmo: tapar con papel d'aluminiu (o con tapita, si tenemos) y metemos un palu de polu en caún.
  • Metemos la cubitera o los vasinos nel conxelador hasta a otru día.

Antes d'empezar l'actividá, vamos sacar la cubietera del conxelador. Unos 5 o 10 minutos va ser abondu pa que los xelitos yá tean un pizcu dilíos y podamos manipolialos y pintar con ellos dende'l primer momentu.

¡Manes a la ciencia!

Tenemos a la nuesa disposición una cubitera cargada de ¡¡cubitos de xelu de colores!! Asina que… ¡¡ye'l momentu d'empezar!!

Antes de nada, ¿qué reparamos? Podemos intentar sacar los cubitos o pidir que daquién nos eche un gabitu. ¿Qué sentimos al tocalo? ¿Qué pasó? El líquidu de colores agora ye xelu, conxelóse, camudó'l so estáu de líquidu a sólidu.

Si lu deslizamos  polos folios, ¿qué asocede? ¡¡Podemos pintar!! El xelu va derritiéndose adulces, al templase cola temperatura ambiente y … ¡vuelve ser líquidu!

Esfrutemos del momentu y les sensaciones, esmuciendo los cubitos de colores y esquizando lo que va asocediendo colos cubitos.

Pa siguir esperimentando

Y si, en cuenta de papel d'acuarela, utilizamos otros tipos de papel o materiales, ¿qué va pasar?  Por casu: algodón, papel de cocina, papel hixénicu, cartón, papel d'aluminiu…  ¿Derritense los xelitos a la mesma velocidá? ¿Absuerben los materiales l'acuarela por igual?

Tamién vamos poder probar a conxelar el nuesu amiestu d'agua y pintura en distintos recipientes, teniendo cubitos de distintes formes.

Pa saber más

Sabemos qu'a'l nuesu alredor hai coses sólides, líquides y gaseoses. Estos trés tipos de materia en ciencia conócense como estaos, o estaos d'agregamientu.

Tola materia –tu, yo, la mesa, l'agua, la madera...  hasta l'aire-, ta formada por unes partícules bien bien pequenes: los átomos. Delles vegaes, dellos átomos xunir n'unidaes pequenes que se denominen molécules. Por casu, les molécules d'agua tán formaes por trés átomos: dos átomos d'hidróxenu y unu d'oxixenu.

Pa formar la materia, los átomos y les molécules xunir ente sí por enllaces, que son una especie de pegamento que los caltien xuníos y llindar un mizcu'l movimientu. Dacuando xúnense por enllaces bien fuertes y ye lo que da llugar a un sólidu. Los líquidos y gases tán formaos por molécules que tamién formen enllaces ente sí, pero nun son tan fuertes, ye un “pegamín” más débil. Por eso puen adoptar formes y fluyir.

Agora, vamos cuntavos el secretu del xelu que pinta. Les disoluciones d'acuarela qu'utilizamos tán formaes mayoritariamente per agua (y un mizcu de colorante). Cuando tán n'estáu líquidu, les molécules d'agua tán xuníes ente sí por enllaces débiles, que dexen que l'agua fluya, que pueda afayase a la forma del recipiente nel que s'atopa.

Cuando metemos l'acuarela nel conxelador, l'agua entama a esfrecese y les molécules van adulces perdiendo movilidá (mengua'l so baturiciu térmicu) y cada vez-yos cuesta más fluyir. Entós empiecen a ordenar nel espaciu, formando una estructura cristalina con enllaces más fuertes: forma cristales de xelu, agua sólido. 

Cuando sacamos los cubitos del conxelador y empezamos a esmucilos pol papel, el xelu adulces vase caleciendo, absorbiendo enerxía, que fai que les molécules puedan movese más fácilmente unes con al respeutive d’ otres (aumenta'l so baturiciu térmicu), fluyir nuevamente.

A éstes ¿sabíes que'l xelu ye un mineral?

¿Queréis cuntanos daqué?

Encantaríanos poder acompañar les vueses esperiencies, anque sía dende la distancia. Por eso, vamos establecer una vía de diálogu de forma virtual. ¿Cómo lo fadremos?

  • Podéis unvianos les vueses duldes, suxerencies, esperiencies, etc. colos y les peques al corréu electrónicu, poniendo nel asuntu del email  “Unipeques en casa”.
  • Podéis siguinos nes redes sociales de la Universidá d'Uviéu, onde vamos dir espublizando les novedaes d'esta páxina. Amás, si compartís les vueses esperiencies en redes sociales, podéis mentanos (universidá_pa_peques n’Instagram)  ya emplegar el hashtag universidápapeques.
  • Tamién podéis siguinos al traviés del nuesu canal de telegram y en Instagram, pa tar al día de les nueves publicaciones.

 

Artículo traducido por Elena González Menéndez.

La Universidad para peques/ Universidá pa guah.es / Children's University es un proyecto de la Universidad de Oviedo, que cuenta con la colaboración de la Fundación Española para la Ciencia y la Tecnología - Ministerio de Ciencia, Innovación y Universidades, Caja Rural de Asturias, Banco Santander, Grupo Hunosa, Ayuntamiento de Siero, APADAC, Pridental, Cluster TIC Asturias, DXC Technology, Lacera e ITVasa.

 

 

Enlaces rápidos