Inicio » Peques en casa

Peques en casa

Inventos voladores

07/07/2020

Con una fueya de papel vamos crear artefautos risonderos voladores que darán munchu xuegu.

Güei proponémoste construyir artefautos voladores cenciellos valiéndonos de distintos materiales, pero sobro too, del papel. ¿Qué te paez poder descubrir y esperimentar dalgunos principios de l’aerodinámica mientres xuegues? ¡Pues vamos allá, inxenieros ya inxenieres!

Materiales

  • Folios DIN A-4.
  • Plantiya inventos voladores, pa descargar equí.
  • Tisories.
  • Clips.
  • Material pa decoración: rotuladores, ceres, plumes, pegamín, cuerda ¡Too lo que se te ocurra y tea al nuesu alcance!

Preparativos

Hai qu’imprimir previamente la plantiya con dos de los artefautos voladores que vamos contruyir: el pexe volador y l’helicópteru. Si nun tenemos impresora, podemos dibuxar les guíes fácilmente nuna fueya de papel, copiando la plantiya. Pal avión de papel, nun necesitaremos plantiya, solo’l foliu.

Pa peques más peques

Quiciabes cueste un poco emplegar les tisories o doblar la fueya, pero nun pasa nada, nun tenemos prisa, asina qu’emplega’l tiempu que necesites. Per otru llau, tamién podemos necesitar ayuda a la hora d’entender les instrucciones pa facer los artefautos.

Descubrimos

Pa entamar a facer volar la nuesa imaxinación, nada meyor qu’un cuentu. Equí proponemosvos Pajarito Amarillo de Olga de Dios, disponible en PDF al traviés del siguiente enllace

¡Manes a la ciencia!

Pexe volador:

Proponémosvos entamar col artefautu volador más cenciellu: el pexe volador.

  • Lo primero qu’hai que facer ye recortar la pieza que vamos emplegar, distinguirásla porque ye la más estrecha. Pa ello, recortamos la llínea mariella al so alredor.
  • Recortamos la llínea prieta de puntos, que tien dibuxaes unes tisories. Ten cuidao, recorta solo fasta que finen los puntos, non fasta´l final.
  • Enganchamos dambos cortes, inxertando l’unu nel otru, de mou que nos quede’l papel en forma de pexe.

¿Cómo vuela meyor, si lu tiramos cola barriga hacia abaxo o de cabeza al suelu?

Helicópteru:

  • Entamamos, al igual que col pexe volador, recortando la pieza que vamos emplegar, la más ancha la plantiya. Pa ello, recrotamos la llínea colorada al so alredor.
  • Recortamos les tres llínies prietes de puntos. Verás unes tisories dibuxaes sobro elles.
  • Neti puntu, ya nun necesitaremos les tisories, asina que vamos a doblar. Doblamos les llínies continues, siguiendo la indicación que dan les fleches. Podemos entamar colo que van ser les hélices, distinguirasles porque tienen apariencia de “patites”. Ye importante que dobles una hacia un llau y, la otra, hacia’l llau contrariu.
  • Vamos col llau inferior. Doblaremos les llínies continues paraleles, de mou que nos quede una especie de “T”. Pa finar, doblamos la llínia hacia arriba.
  • Yá lo tenemos casi terminao, de fechu, agora’l nuesu helicópteru yá podría volar. Pero pa que lo faiga meyor necesitamos pone-y pesu na parte inferior. Podemos enganchar unos clips na zona inferior (la última que doblamos) y envolver esa zona con cinta aislante o adhesiva.

Dardu o l’avión más rápidu del mundu:

  • Primero doblamos el papel a la metá, tal y como podemos ver na figura 1 de la imaxen. Quedarános una llínia marcada que nos servirá de guía.
  • Doblamos la esquina superior derecha hacia’l borde de la izquierda (figura 2 y 3).
  • Dobla la solapa nueva otra vegada, como na figura 4.
  • Dóblala una vez más como na figura 5.
  • Da la vuelta al avión y repite los pasos como na figura 6, 7 y 8.
  • Abre les ales del avión, gárralu pela parte interna y ¡a xugar!

Pa siguir esperimentando

Podemos decorar los nuesos inventos voladores como más nos preste ¿Influirá la nuesa decoración a la hora de volar? ¿Qué distancia puen recorrer los nuesos inventos? ¿Qué pasará si’l pexe volador tien la cola más llarga, o más curtia? ¿Influirá la llonxitú de les ales del helicópteru nel so vuelu?

Munches vegaes copiamos los nuesos inventos de la naturaleza, a esto llamamos-y biomimética. Equí enlazámosvos dalgunos vídeos de semilles voladores. ¿A cuál de los vuesos inventos se paecen estes semilles?

Muséu Cosmocaixa, semilles d’arce:

https://www.youtube.com/watch?v=yug5cuPXg_k

Semilles de lliana de Borneu:

https://www.youtube.com/watch?v=F8g-At_EGDg

Amás, esisten munchos más artefautos voladores colos que poder xugar. Dende aquellos fechos con papel, a otros que podemos facer con materiales fácilmente disponibles (indiaques, carioques, etc.).

Enlazámosvos dalgunes idées más:

30 aviones de papel que pues deprender a facer agora mesmo.

https://verne.elpais.com/verne/2015/08/17/articulo/1439805966_022955.html

Avión ganador del récor distancia nel campeonatu del mundu d’aviones de papel.

https://www.youtube.com/watch?v=jyrYJz8N-aI

Estrella ninja

https://www.youtube.com/watch?v=jyrYJz8N-aI

Na más necesitamos facer volar la nuesa imaxinación y ponenos manes a la ciencia.

¿Queréis cuntanos daqué?

Encantaríanos poder acompañar les vueses esperiencies, anque sía dende la distancia. Por eso, vamos establecer xuna vía de diálogu de forma virtual. ¿Cómo lo fadremos?

  • Podéis unvianos les vueses duldes, suxerencies, esperiencies, etc. colos y pecar al corréu electrónicu, poniendo nel asuntu del email  “Unipeques en casa”.
  • Podéis siguinos nes redes sociales de la Universidá d'Uviéu, ú vamos dir espublizando les novedaes d'esta páxina. Amás, si compartís les vueses esperiencies en redes sociales, podéis mencionanos y utilizar el hashtag unipequesencasa y universidápapeques.
  • Al traviés del nuesu canal de telegram tamién podéis siguinos y tar al día de les nueves publicaciones.

 

Artículo traducido por María Iglesias Orviz

La Universidad para peques/ Universidá pa guah.es / Children's University es un proyecto de la Universidad de Oviedo, que cuenta con la colaboración de la Fundación Española para la Ciencia y la Tecnología - Ministerio de Ciencia, Innovación y Universidades, Caja Rural de Asturias, Banco Santander, Grupo Hunosa, Ayuntamiento de Siero, APADAC, Pridental, Cluster TIC Asturias, DXC Technology, Lacera e ITVasa.

 

 

Enlaces rápidos