Inicio » Peques en casa

Peques en casa

¿Flota o fundese?

27/07/2020

Descubriremos por qué dellos oxetos floten y otros non, y vamos construyir el nuesu propiu barcu.

¿Fixasteivos dalguna vegada nos barcos? Dalgunos son pergrandes, y entá asina puen flotar. Sicasí, los submarinos tamién puen fundise. Los inxenieros ya inxenieres que los diseñen, investiguen qué estrucutres y materiales son los más afayadizos, basándose nel fenómenu de la flotación.

Otres rames de la ciencia como la física o la química investiguen les distentes propiedaes, composición, densidaes, de materiales colos que poder facelos; dalgunos son naturales, como la madera de los árboles y otros artificiales, como’l formigón que s’emplegaba d’antiguo o l’aceru.

Con esta propuesta vamos investigar el fenómenu de la flotación y descubriremos si toos los oxetos floten y por qué. Emplegando elementos de midida compararemos les carauterístiques y la so influencia nel fenómenu. Finalmente, crearemos el nuesu propiu barcu pa trensportar oxetos pesaos.

Materiales

  • Posibles materiales pa esperimentar la flotación: esponxa, madera, corchos, pieces de llegu, mandarina (naranxa, plátanu) ensin pulgar, piedra, caniques, botella vacía, papel, cartón, porexpan

 

  • Boles de tamañu paecíu con diferentes materiales: plastilina, aluminiu, papel, goma (prescindible)
  • Elementos de midida: balanza, metru (prescendible)

  • Barreñu con agua
  • Materiales pa crear barcu: plastilina de base aceite, bandexa de porexpan, botelles de plásticu vacíes, tolo que se nos asoceda pa que trensporte y pa decoralu.

Preparativos

  • Emplegaremos un llugar de la casa onde podamos moyar el suelu, por si acasu…
  • Na zona qu’escoyéramos vamos preparar el nuesu llaboratoriu. Podemos emplegar el suelu o una mesa, lo que nos sía más afayadizo.
  • Buscamos materiales que queramos investigar y que podamos moyar. Dexámoslos nuna caxa o bandexa. Podemos tener otra bandexa o caxa vacía pa facer la clasificación de flota o fundese.
  • Amás de los elementos de midida que tengamos: cinta métrica, balanza.
  • Preparamos el balde con agua.
  • Pa la parte de creación podemos emplegar los mesmos materiales qu’investigamos y qu’agora yá sabemos qué carauterístiques tienen, o buscamos otros que pensamos que nos vienen meyor.

¡Manes a la ciencia!

Seleicionamos unos cuantos oxetos pa investigar. Iremoslos metiendo nel agua unu por unu ¿Qué-y pasa a cada oxetu? Podemos comparalos, meter dos al mesmu tiempu o varios.

¿Por qué crees qu’unos oxetos funden y otres non? ¿Probasti coles boles? ¿Toes floten? Una vegada que probaramos tolos oxetos, podemos facer dos grupos, los que floten y los que non.

¿Crees que pue influyir la forma, el tamañu y el pesu pa flotar o non flotar? Como siempres dicimos ¡prueba!

Por casu, si pulgamos la mandarina ¿flotará si pulgamosla a la metá? ¿Y ensin la so cáscara? ¿Y la cáscara por sí mesma?

Tamién tenemos una botella vacía ¿Qué asocede si la enllenamos? ¿Qué diferencia hai ente un barcu y un submarín?

Podemos emplegar los elementos de midida que tengamos pa comparalos.

Depués de comprobar qué oxetos fúndense y cuáles non, yá tamos preparaos pa diseñar y crear un barcu capaz de soportar el mayor pesu posible. Como materiales de flotación comprobamos que podemos emplegar por casu: una bandexa de porexpan, corchos, botelles vacíes de plásticu. Otros materiales sirvennos pa decorar.

Tamién podemos observar que la plastilina, cuando tien forma de bola, fundese, si-y damos forma de barcu, disminuye la densidá global del oxetu y flota. Cola balanza podemos comprobar el pesu de la nuesa carga.

Pa saber más

Pero ¿por qué se pue fundir un oxetu? Un científicu nomáu Arquímedes que yera matemáticu, físicu, astrónomu, inxenieru y tamién ¡inventor! Descrubrió qu’esiste una fuercia contraria a la gravedá, nomada emburrie que consigue que cuando metemos un oxetu nel agua, esti nun se funda.

Y ye mui curioso que comprobáramos que non tolos materiales puen fundise. ¿Por qué? La materia, los oxetos, tán formaos per unes partícules bien pequeñes: los átomos. En dalgunos materiales eses partícules tan mui empaquetaes. En otros materiales nun lo tan tanto. Ye lo que nomamos densidá. Los oxetos más densos fúndense y los menos densos floten. Pero… ¿por qué si tien forma de bola fundese y si tien forma de barcu flota, si ye’l mesmu material? Porque cuando tien forma de barcu ocupa más volume y, teniendo en cuenta l’aire que contien, atopamosnos énte una densidá menor.

 

Otra manera d’esplicalo ye al traviés de la fuercia d’emburrie (escontra riba), la que dependerá del volume d’agua desallugada. Nel casu de los submarinos, fúndense (somorguien) llevando tanques enllenos d’agua, que van vaciando y enllenando d’aire comprimido cuando quieren subir a la superficie (remanecer).

¿Queréis cuntanos daqué?

Prestaríanos poder acompañar les vueses esperiencies, anque sía dende la distancia. Por eso, estableceremos una vía de diálogu de forma virtual ¿Cómo lo fadremos?

  • Podéis unvianos les vueses duldes, suxerencies, esperiencies, etc. colos y les peques al corréu electrónicu, escribiendo nel asuntu del email “Unipeques en casa”.
  • Podéis siguinos nes redes sociales de la Universidá d’Uviéu, onde diremos publicando les novedaes d’esta páxina. Amás, si compartís les vueses esperiencies nes redes sociales, podéis mencionanos y emplegar el hashtag #unipequeencasa y #universidadparapeques.
  • Al traviés del nuesu canal de telegram y en podéis tar al día de les nueves publicaciones.

 

Artículo traducido por María Iglesias Orviz

La Universidad para peques/ Universidá pa guah.es / Children's University es un proyecto de la Universidad de Oviedo, que cuenta con la colaboración de la Fundación Española para la Ciencia y la Tecnología - Ministerio de Ciencia, Innovación y Universidades, Caja Rural de Asturias, Banco Santander, Grupo Hunosa, Ayuntamiento de Siero, APADAC, Pridental, Cluster TIC Asturias, DXC Technology, Lacera e ITVasa

 

Enlaces rápidos